Замислете како една цевка(цевковод, навтовод) ги обезбедува твоите пари и имотот. Од една страна на цевката внесувате знаење а од другата страна протекуваат добрата од тоа знаење.За повеќето луѓе тоа е 1/2цол цевка или помала. Дури и со многу притисок(многу работа), има само толку волумен кој може да протече преку 1/2 цол цевка.Но, некои луѓе, или по нивен избор или по можност која ја создале  имаат цевковод чиј проток на богатството е со поголем волумен. а тоа претставува  еден голем нафтовод

Голем цевковод-големо богатство. Мал цевковод-мали резултати
Градење на голем цевковод се базира на  позитивна свест,богати мисли, верувања, ставови и очекувања, зголемувајки го капацитетот за бесконечно богатство.

Кинеска поговорка мудро вели: "Патот од илјада милји започнува со првиот чекор."На почеток ќе се  соочиш со фактите:  освен тебе  никој друг не е целосно одговорен за твојата  финансиската состојба. Финансиска слобода значи дека  ја имаш контролата на твоите пари

Размисли за тоа, постојат навистина само две опции, или ќе ја преземеш контролата на твоите пари ...
 Или,ако сте како поголемиот дел од луѓето,твоите пари те контролираат


Зашто поголемиот дел од луѓето го избираат лошиот пат,односно илузија на успехот.Илузијата се создава кога ќе потрошите пари кои не сте ги заработиле а со цел да изгледате дека сте успеале.Големиот број на луѓе тоа не го разбираат  и на кредит купуваат брендирана гардероба, одат на добар летен одмор , кола на лизинг ,хипотека за стан.

Поготово они кои земаат поголема плата живеат во ваква илузија , немаат никаква криза во приходите и уредно ги плаќаат обврските до оној момент кога банкарската индустрија ќе ги искористи до крај поминува во фаза на финансиска пропаст.Кога нешто купувате на кредит не плаќате само за кредитот туку и каматата , колку е подолг периодот на отплата толку повеќе и ќе вратите плаќајки камата.
http://www.statija.mk/archives/2608

Видов на билборд  реклама за еден кредит "за подобар стандарт", но  кој го разбира кредитот како функционира ќе види дека  математички е невозможно.Во книгата "Финансиски препород"  од Санјин Фрлан ќе забележам како Фрлан пишува луѓето земаат револвинг картица и супер се задоволни додека ја трошат и се замислуваат како заработуваат многу и животниот стандарт им е како што го посакуваат, но набргу ќе дојде денот кога ќе го достигне лимитот и врзуваат уште еден оков кој ги стега.

И секако излезот кај ќе го најдат? Излезот се вика нова кредитна картица. Во финансиската трка помеѓу двата пата се тркаат зајак и желка.Зајакот има кредитни картици и на почетокот води , купува све што стигне и се чини дека дека ја добива трката.Но зајакот кога ќе ги исцпри своите можности  , желката ќе го престигне и ќе го победи во трката.


Кредитите привидно ќе го подобрат вашиот стандард но потоа ќе ве оковаат во окови и нема да ти дозволат да инвестираш и да купуваш имоти.
Наместо да одите по патот кој парите те контролираат и да се позајмувате од иднината, патувањето започнете го со давање во иднината. одговорот  започнува со прашањето " како со пари?"
http://www.statija.mk/archives/1569.
може да ви потврдам, за да почнете да создавате имот во кои вие ќе бидете сопственици прво треба да кажете стоп на кредитите зашто тие не се решение за купување имот и научете како да владеете со парите.

Прво нешто што ме поврзува со ова прашање  е книгата "Најбогатиот човек во вавилон" од Џорџ Клејсон  преку приказни и мудрости опишува како луѓето пред 8000години ги поставиле стандардите за да се биде богат.Еве извадок од книгата

"Ако можете да одбирате меѓу тешка вреќа полна со злато или тешка вреќа полна со глинени таблички на кои се врежани мудри зборови, за која ќе се одлучите?
Осветлени од светлината на огнот од пустинските грмушки , спржените лица на слушателите се разведрија од љубопитност.

“Со злато, со злато“, на глас извикаа сите двасет и седуммина.
“Наслушнете“, продолжи кревајќи ја раката. Ги слушате ли дивите кучиња во далечината? Тие лаат и завиваат, бидејќи се гладни. Но ако ги нахраните, што ќе прават? Ќе се тепаат и ќе играат не размислувајќи за утрешната која сигурно ќе дојде.
Исто е и со синовите на човекот. Дајте им да одберат меѓу златото и мудроста и што ќе направат? Ќе ја игнорираат мудроста и напразно ќе го потрошат златото. А утре ќе завиваат, бидејќи веќе нема да имаат злато. Златото е резервирано за оние, кои ги познаваат неговите закони и се придржуваат кон нив.

1. Златото со задоволство и во големи количини оди кај оној, кој одвојува не помалку од една десетина од својата заработка, а со тоа создава имот за својата иднина и за иднината за своето семејство.

2. Златото вредно и со задоволство работи за мудриот сопственик кој му наоѓа добра инвестиција. Во тој случај, тоа се множи слични на страданјата в поле.

3. Златото зависи од заштитата на внимателниот сопственик, кој го вложува врз основа на советите од луѓето кои знаат како мудро да работат со него.

4. Златото бега од рацете на човекот, кој го инвестира во работи или цели што не ги познава, или што не ги одобруваат луѓето кои се вешти во работењето со златото.

5. Златото бега од човек,кој на сила со него сака да оствари невозможна заработувачка, или кој ги прифаќа примамливите совети на измамниците и крадците, или кој верува во сопственото неискуство и сопствените романтични желби при неговото инвестирање."

  
 Ова се петте закони на златото напишани од мудрите и богати Вавилонци. Вавилон бил најбогатиот град во стариот свет,бидејќи вавилонците  биле најбогатите луѓе на тоа време. Тие ја ценеле вредноста на парите. Ги применувале  финансиски принципи за заработување пари кои важат и денес, за нивно чување и инвестирање, за да создадат уште повеќе пари и имот. Тие го постигнале она, кон кое сите ние се стремиме, правиот пат..... приходи за иднината.

Во уставот на Република Македонија,за имотот и сопственоста се вели дека  создава и права и обврски за сопственикот, што значи дека сопственикот има интерес, но истовремено  има обврски . Ексклузивно и неприкосновено право на сопственикот му е доделено од страна на  уставот и законот а тоа  е да ужива, окупира, поседува, изнајмува, продава, употребува, подарува дел од имотот.Уставот на Република Македонија, не само сопственоста, туку и правото на сопственост, ја гарантира како „свето и неприкосновено право“ на граѓаните (член 30 и 31 од Уставот), достапно за секој под услови и начин предвидени и уредени со Закон

Сопственоста е основа и за други концепти кои ја создаваат основата на општесвото,од античките до современите општества како што се парите, трговијата, долгот, стечајот, криминалот и кражбата . Сопственоста е клучот за градењето  и развојот во капиталистичкиот општествено-економски систем. Законско право за поседување на нешто.

Сопственоста  може да биде материјална (назив на материјални објект како што е куќа, дуќан,земја...) или нематеријална (назив на нематеријални објект, како авторски права,  враќање на долгот и др).




Процесот и механиката на сопственоста не е едноставна, бидејќи може да се добие  или да се  изгуби сопственоста во голем број на начини. За да се здобиете со сопственост може да купите со пари,можете да тргувате со друг имот, да се прими како подарок, да го најдете. Но може и да се изгуби сопственоста на имотот ако го продадете а за тоа добиете пари, размена за друг имот, давајќи го како подарок, да биде ограбен од некого, губење, или му се одзеде сопственоста преку правни средства ако не може да се врати долгот а е гарантиран со сопственост .Сопственикот на  имот, исто така е  сопственик на економските придобивки од тој имот

Кој  поседува  и колку, кај недвижниот имот, правото на еден човек да владее или врши контрола над одредена недвижност не значи дека е и сопственик ,на пример, станар со долготраен закуп има владение , но нема  сопственост,а сопственикот има финансиски придобивки  од закупот и сопственички права. Истото така е ако и имотот е под хипотека , зборот хипотека во  францускиот закон е  термин што значи "мртов залог," а тоа значи дека залогот  престанува (умира)  кога обврската е исполнета или имотот кога е одземен,односно хипотеката е посебна форма да немате сопственост за она што сите мислат дека се сопственици.

Но кога  се стекнува  со сопственост ?Право на сопственост се стекнува според закон врз основа на правна работа или наследсво, можете да го прочитате и законот за сопственос http://www.maticanaiselenici.com/doc/zakoni/Sopstvenost_i_drugi_stvarni_prava.pdf


Кои се придобивките  од сопственоста. Капитализмот е економски систем во кој средствата се во приватна сопственост и се управувани за профит. Приходот во капиталистичкиот систем е во најмалку две форми, профит на една страна, и платите на другите. Постои, исто така, традиција која се третира како кирија, е ова последното е една од најголемите придобивки на сопственоста. За да го разбереме ова  треба  да го знаеме одговорот на следните прашања: Какви форми на имот постојат? Како можам јас да заработам од имотот?,Какви финансиски производи постојат на пазарот за јас полесно да дојдам до сопственост на повеќе имот?

Какви видови на имот постојат?

Пред да видиме какви форми и видови имот има, да видиме што е тоа
имот, Било која форма и вид на имот да објаснам за сите важи една  дефиниција  а тоа е: Имот е се она што не храни,имот е се она што ни става пари во џеб, имот е се она што ни обезбедува благосостојба.

Една од најпознатите форми на имот е недвижен имот
под недвижен имот се подразбира се она што е поврзано за земја како куќа,стан, апартман,земјиште,фарма, деловни простории,постои и движен имот и тоа моторни возила, накит , благородни метали и др. Во последно време кај нас се повеќе сопственици на имот се на хартии од вредност како акции, обврзници , удели во инвестициски фондови и друга форма на имот е и управување со бизнис, приход од мрежен маркетинг ,интернет економија и др.

Пред да се стане сопственик на било кој имот битно е да се знае дека преку сопственост на имот можете да станете финансики независни, а тоа е да не зависите ниту од државата, сопруг(а),работодавец,родителите и др.Имотот односно на пример: станот, акциите,апартманот, да имаш фирма не носат пари сами по себе, туку едукација(знаењето) повеќе за станот, акциите,удели во инвестициски фондови, апартманите и фирмите ставаат пари во твојот џеб.

Секој е одговорен за својот успех
Во светот нема апсолутно никаков недостаток на пари што треба да дојдат кај тебе . Има многу пари . Исто така нема недостиг на имоти што треба  да станат твоја сопственост

продолжува...

Самодисциплината кон парите

На почетокот на осумдесеттите години од минатиот век, направен е еден експеримент со кој требало да се покаже кој е најважниот фактор за успех во животот. Во Стенфорд, еден професор по психологија собрал група од четиригодишни деца за овој експеримент. Тој секому од децата му задавал задача, ги оставал сами во просторија и потоа скришно ги набљудувал.

Немојте да го јадете манчмелоуто
Задачата за секое четиригодишно детенце било да остане само во просторијата со едно манчмелоу на масата пред него, за време од петнаесет минути. Професорот им рекоа, доколку, кога ќе се врати, манчмелоуто било сè уште тука, детето како награда ќе добиело уште едно. Значи петнаесет минути подоцна ќе има две и тогаш ќе може да ги изеде и двете. Да му се каже на четиригодишно дете да чека 15 минути за нешто што неизмерно сака, е еквивалентно како на возрасен човек да му кажеш дека ќе му донесеш кафе за два часа. Што се случило кога професорот си заминал од собата? Штом се затворила вратата, две од три деца го изеле манчмелоуто. Изржале пет секунди, некои десет секунди, четириесет, педесет секунди, две минути, четири минути, осум минути. Некои издржале 14 и пол минути. Но сепак, не успеале да издржат 15 минути. Не можеле да чекаат.

Она што е интересно е дека едно од три деца ќе го погледнеле манчмелоуто, ќе го помирисале и ќе ги покриеле очите за да не го гледаат. Повторно ќе го погледнеле и ќе го оставеле на масата. Нервозно шетале наоколу низ собата. Си играле со своите алишта и покажувале очигледни знаци на нестрпливост.

Децата кои издржале, уште на четиригодишна возраст, го разбрале најважниот принцип за успех. Тоа е способноста за одложување на наградата. Поседувањето на самодисциплина, најважниот фактор за успех. Петнаесеттина години подоцна, направено е дополнително истражување. Се обиделе да ги најдат истите деца што сега имале 18 или 19 години. И откриле дека 100% од децата кои не го изеле манчмелоуто се успешни во кариерата. Имале добри оценки. Добро им одело во работата, биле успешни во кариерата. Биле среќни. Имале планови за иднината. Имале добри односи со наставниците и со другите ученици.

Голем процент од децата што го изеле манчмелоуто, биле во понезавидна состојба. Некои од нив не се ни запишале на факултет. Имале лоши оценки. Некои од нив се запишале па се отпишале. Неколкумина биле со лоши оценки уште во основно училиште.

Мотивациониот спикер и тренер, Јоаким де Посада има издадено книга со истиот наслов: Не јадете го манчмелоуто. Тој истиот експеримент го повторил во државата Колумбија, во Јужна Америка. Јоаким де посада си го поставил прашањето дали хиспано децата ќе реагираат на ист начин како американските? И отишол во Колумбија и го повторил експериментот. Резултатот бил ист. И во Колумбија, која толку е поразлична од САД, децата го повториле истиот резултат. Било многу смешно. Имало четири, пет и шест годишни деца. Кај хиспано децата, две од три го изеле манчмелоуто. Едно од три не го изело.

Едно од девојчињата ја изело само внатрешноста на манчмелоуто и повторно го вратила остатокот на маса. Со други зборови, сакала да ги измами дека не го изела за да добие уште едно. Но, сепак го изеде. За неа Посада, шеговито тврди дека ќе биде успешна, но потребно е да се биде внимателен и не препорачува таа да работи во банка или на каса во продавница.
Според Де Посада одложувањето е применливо насекаде. Тој тврди дека ова важи во сите аспекти на животот и е неопходно за успех во животот.

Тајната на успехот е да бидеме трпелливи и дисциплинирани кога се работи за награда. Да бидеме самодисциплинирани кога се работи за нашата награда, за она што ни следува. Да знаеме како да го одложиме моментот на задоволство и уживање.
Самодисциплината можеме да ја сметаме како показател за успешноста. Затоа е потребно истата да ја тренираме и развиваме во нас.

Мудро трошење

Парите не се цел сами по себе. Постојат и други важни работи во животот освен парите. Како поединец треба мудро да управуваме со парите за да ги постигнеме поставените цели. За мудро трошење, потребно е да бидеме дисциплинирани и да трошиме само на работи кои ни се неопходни во животот. И обратно, доколку сакаме мудро да располагаме со парите во животот, најдобро место од кое треба да започнеме е нашата сопствена дисциплина. Ова е сегментот во кој сиромашните луѓе се непослушни.
Ова не важи само за возрасни, туку и за студенти и деца. Доколку вредноста на парите ја разбереме во младите години, подоцна нема да се чувствуваме дека светот на парите се свртел против нас.

Попуштање на волјата

Од друга страна, сите сме обични луѓе од крв и месо. Тоа значи дека од време навреме попуштме пред самите себе и сме жртви на сопствената недисциплина. Некогаш, кога нашата волја попушта, паѓаме многу ниско и кога се одлучуваме да купиме нешто за што сме се заколнале дека нема да го купиме. А, доволно е само да го одминеме и да се однесуваме според планот за трошење.

Доколку не успеете да си воспоставите организиран пристап и да направите план, тогаш очекувајте да западнете во проблеми. Како резултат, ќе плаќате превисоки камати за долгови. Непотребно ќе се изложите на финансиски ризик и ќе губите уште повеќе пари. Еден ден нема да имате средства за школување на вашите деца. Уште полошо, нема да можете да си ги платите сметките дома. Ваквата состојба ќе ве доведе до чувство, дека Ве очекува несигурна старост.
Всушност, самодисциплинирањето со парите може да го направиме многу забавно. Повремено може да се наградуваме себеси со мали награди како компензација за откажувањата и одложувањата кои ги правиме само за да не ја прекршиме нашата финансиска диета. За успешна диета, едноставно треба да се обидеме да се држиме до нашиот буџет.

Самодисциплина

Спротивно на сценариото со запаѓање во долгови, би било сценариото кога би имале организиран пристап и навреме изработен план за менаџирање на парите. Со правилното менаџирање со парите можеме многу полесно да се справиме и со краткорочните и со долгорочните трошоци за живот.
За одржување на самодисциплината со личните финансии, потребна е дополнителна енергија, повеќе и од вообичаената енергија која ја трошиме во секојдневната работа, за фамилијата или за одржување на куќата. Затоа ќе биде потребно да црпиме од дополнителните резерви, имајќи предвид дека сè она што го правиме ќе биде исплатливо на долги патеки. Потребно е да бидеме насочени кон успехот, да ја контролираме самодисциплината, да се одржуваме мотивирани.
Како и за секое друго жртвување, нема лесен начин за постепено да го апсорбирате гневот или пак целосно да го анулираме. Наместо тоа, многу е подобро да се соочиме со реалната состојба и да утврдиме колкав е износот на пари кој ќе ни даде чувство дека постојано имаме пари кај себе. Откако ќе го утврдиме овој износот, може да започнеме да ја тренираме нашата дисциплина. Притоа треба да се трудиме, постојано кај себе да го имаме износот на пари со кој ќе се чувствуваме посигурни.

Тренирање на самодисциплината

Доколку сакате да ја подигнете Вашата самодоверба и да ја подобрите вашата самодисциплина истовремено, обидете се да го направите следниов опит.
Одете во Вашата банка. Извадете во готовина износ од најголемиот апоен на банкнота, кај нас тоа е 5.000 денари. Ставете ја бaнкнотата во новчаникот. Потоа следува најважниот момент. Никако немојте да ја потрошите.

Во следните неколку месеци обидете се во својот новчаник постојано да ја имате оваа банкнота од 5.000 денари. Не одлучувајте се лесно да ги потрошите овие. Дозволено е да влегувате во продавници, да разгледувате работи кои Ви се допаѓаат, да размислувате колку Ви се потребни и колку посакувате да ги купите, но не купувајте. Што мислите колку пари ќе заштедите со тоа што повеќе нема лесно се предавате на импулсното купување?

Нека овие 5.000 денари бидат Вашиот личен мотив. Тоа ќе ви даде неверојатна самодоверба за да знаете дека можете да си дозволите да купите многу работи, но само доколку сакате. Обидете се самите да ги контролирате парите. Не дозволувајте тие да ве контролираат Вас. Постојано тренирајте ја сопствената дисциплина за да не ги трошите парите неконтролирано.

Во новчаникот носете и други пари. Оние 5.000 ќе ги наречеме “пари во карантин.” Другите пари се парите од вашиот буџет.

Ништо друго од ова нема повеќе да ви даде поголема самоувереност и дисциплина. Ова е најдобра алатка за да ја скротите Вашата финансиска дисциплина.

Доколку сакате да имате повеќе пари во животот, потребно е да научите како да ги контролирате парите и да го контролирате нивното трошење. Потребно е постојано да ја подобрувате Вашата финансиска писменост и знаењето за парите. Потребно е да ја градите и одржувате Вашата дисциплина. Со претходно наведениот пример, можете да ги направите и двете одеднаш: и да ја подобрите финансиската писменост и да научите како да го контролирате трошењето на парите.

Патот до успехот

Стратегијата е во секое време да можете на дадените жртви да гледате како нешто позитивно и продуктивно. Затоа е потребно да бидете оптимисти и на ова да гледате како на инвестиција за вашата иднина и за вашата независност. Увидете кои се предностите и извлечете поука од наученото. Не се обесхрабрувајте од почетните грешки и учете од нив. Вашите жртвувања и вашите грешки сметајте ги како скалила кон Вашиот успех.
Вашиот успех е она што го правите и што си го давате себеси. На успехот можете да гледате како на награда, како нешто што веќе е прикачено на вашето име, но во суштина го заслужувате и можете да го присвоите за себе. Затоа направете експеримент со себе и најдете го успехот кој ве чека и потоа зграпчете го. Понекогаш ќе бидете сурово тестирани, но секогаш ќе треба да ги стиснете забите, да ги стегнете тупаниците и да се борите. Во ваквите времиња, едноставно исклучете го мозокот за сите негативни информации и продолжете да се движите кон својата цел и кон визијата која ја имате во главата. Сето ова е полесно да се каже, отколку да се направи, но патот до успехот е долг и тежок.

Aвтор: Дејан Спасески e координатор на веб страната Водич за Неформално Образование. За повеќе информации, посетете го веб порталот http://www.no.net.mk/.

статијата е преземена од  http://www.statija.mk/

"Што е најголем проблем во Македонија? Невработеноста, здравството, корупцијата? Меѓутничките односи, падот на производството? Стандардот, извозот? Ништо од тоа. Доаѓаме до еден заеднички заклучок дека општо за сиве овие проблеми е- незнаењето. Нашиот главен национален и државен и граѓански проблем е незнаењето".  Д-р Димитар Мирчев, професор на ФОН

Токму така, незнаењето е штетно и смртоносно. Ако возите автомобил и не знаете каква е состојбата на возилото, треба да очекуваме трагедија. Поради незнаењето, луѓе починаа од ситни болести кои би можеле да се избегнат. Незнаењето е ризично и опасно. Незнаењето не може да биде изговор за неуспехот во животот. Денес има толку многу информации на располагање во сите области на животот, дури времето во кое живееме се вика ера на информации и тоа повеќето информации се бесплатни. Нешто што сакате да го имате веќе некој друг го направил и ги пренесува своите искуства преку  книги, пишување на интернет, ТВ документарци и списанија. Значи незнаењето е избор.

Дали парите се навистина важни?

Улогата на парите во остварувањето на достоен живот е многу важна. Парите се во центарот на сите области од нашиот живот, особено во остварувањето на своите соништа. Без пари целото животно патување станува стресен долг пат. Недостаток на пари може да ги уништи вашите соништа и вашите планови, па дури немањето пари ве обесхрабруваат од добрите напори. Знам дека сте како мене и вие не сакате да бидате во позиција каде ви недостасуваат пари.

Роберт Киосаки авторот на книгата "Богат татко сиромав татко" вели дека луѓето имаат финансиски неуспех, бидејќи  не знаат како со пари. Ако имате кредити и сте во долгови, недостатокот на пари и незнаењето како се управува со пари може да го уништи вашиот успех во сите области на животот. Парите можат да ги уништат вашите соништа, да го уништат бракот, дури вашите односи со други луѓе. 

Луѓето со слабо разбирање како се управува со пари се принудени да ги поминат најубавите  години од својот живот работејки напорно за да преживеат, повеќето се соочуваат со  долгови и се обидуваат тешко да  заработат за животот наместо да си ги исполни своите соништа. Парите се многу важни, го пишува и во книгата  Проповедник  "Парите се одговор на сите нешта". (Проповедник 10:19) Значи да имате  доволно пари е од клучно значење да ви помогне да ги постигнете вашите цели. Немањето пари е резултат на лошо планирање и игнорирање на клучните закони на парите:
 
1. Да не го живеете животот над вашите можности и приходи односно "испружи ги нозете колку ти е долга чергата"
 
2. Заштеди најмалку 10 % од своите приходи.
  
3. Давање пари, како семе, очекувајќи поврат (Законот за сеењето и жетвата).Односно заштедата од 10% од своите приходи да се инвестира

Кога овие закони на парите се игнорираат, не постои сомневање дека порано или подоцна еден ден ќе се најдете  во финансиски дупка, не можејќи да го живеете животот од вашите соништа.Научи ги законите на парите и даонладирај ја бесплатно книгата...finansiski preporod  и проверете  во Македонија кој може да ви помогне во областа на личните финансии http://www.sinergijaplus.com/ и направете конкретни чекори за постигнување на финансиска слобода

Сте завршиле средно или високо образование.Се сеќавате на равенките, ги учевте теориите на Алберт Ајнштајн ,верувам сте ги учеле на памет сите точни датуми од лекциите по историја, и сите проекти што сте ги направиле да ви помогнат во школувањето. Сте биле под притисок за оценувањето и на бодирањето на вашите испити. Обично студентите или учениците што учеле повеќе се оние кои поминуваат со добри резултати. Ова не е нова работа . Но  тоа е  нашиот образовен систем

Што откако ќе ја земете дипломата.Секој е заинтересиран да заработи пари. Можеби неколку недели откако сте завршиле со студиите ќе се релаксирате дома. Некако по дифолт да се олади мозокот, Дај му го "одморот што го заслужува". После тоа, ќе се најде некоја работа која нема врска со тоа што сте го учеле и тоа што сакате да го работите но мора да се има приходи да се преживее . Вообичано се почнува со работа во ресторани, бутици, супермаркети .Доаѓа до соочување со тежината и ги прифаќате наредбите,некој мие садови некој ќе стане касиерка итн. Иако работата е тешка,причината  што прв пат одите на работа има тенденција да бидете возбудени зашто за прв пат сте заработиле пари. Подоцна, без некоја причина и стални изговори дека нема подобро..., ќе останете да работите таму целиот живот,а може и да ги менувате работните места (исти работа во два примерока),сте разбрале дека без разлика каде и да работите, барањата и одговорностите се донекаде слични. Вашите работодавците не можат да ви дадат зголемување на платата.

Денес, дипломата не вреди за на крај да разберете  дека сте биле во филмот на вашите родители "сине,ќерко учи! и по можност гледај да ти бидат сите оценки петки за да можеш да се запишеш на добар факултет,а таму да фатиш добар просек за да најдеш добра работа".Работите за среќа (тие што разбрале)не се исти како и во минатиот век. Натпреварот во светот станува посилен и конкурентен  од ден на ден.Мој драг пријател ми рече дека најплатените работи во 2010 година не постоеле пред десет години(го проверив, и во право е).Толку многу се менува начинот на заработување пари што е вистинска глупост да бидете во филмот на вашите родители.

Сега мора да одлучите за себе дали треба да  продолжите да го живеете филмот на вашите родители или да го живеете вашиот филм од вашето време. Да се изборите во животот да заработувате доволно за да ги реализирате своите цели и да ги вкусите убавините во светот.
Што недостасува во реалноста? Во книгата "Заговорот на богатите осумте нови правила на парите" од Роберт Киосаки пишува дека денес има три вида на образование а тоа се

1 Академско образование, во овој тип на образование се оспособувате да читате, пишувате и да решавате основни математички задачи.Но во информатичкото општество многу е побитно да имате способноста да разменувате и користите информациите.

2 Професионално образование,овој тип на образование е местото каде се заработува пари.На пример учите медицина за да станете доктор.Денес има толку многу луѓе со професионално образование и само со овој тип образование е потешко да станете финансиски успешни.Во информатичко општество професионлното образование е битно за да имате сигурна работа

3 Финансиско образование,овој тип на образование е битно за да бидете финансиски слободен и да имате финансиска интелигенција.Финансиската интелигенција е како да ги заштедите,како да ги инвестирате и парите да работат за вас. Да заработувате дополнително користејки ја финансиската интелигенција. Во информатичко општество финансиското образование е битно за финансиска сигурност и секогаш да бидете со пари

Во нашиот систем недостасува финансиското образование, додека академското и професионалното образование го поминале повеќето луѓе. Богатите луге ги поминале трите вида образование додека средната и сиромашната класа првите два типа образование.



 Би заклучил дека по завршувањето на академското образование и ако веќе работите, задолжително е потребно да се фокусирате да се здобиете со финансиско образование и да бидете финансиски интелигентни каде вашите пари ќе работат додека вие спиете.За жал во училиште, дома на улица не можете да се здобиете со финансиско образование.Но за среќа имате интернет и го имате google и на пребарувачот напишете "personal finance" се што е поврзано со лични финансии и како со пари го имате на дланка.Финансиското образование можете да го надградите читајки ги статиите од експертите од истата област на страната http://ezinearticles.com/ на самата страна на пребарувачот запишете "personal finance" ќе ги добиете сите статии поврзани со лични финансии.

За среќа и во Македонија има каде да се здобите со финансиски образование. Во Синергија плус прва агенција за финансиска писменост во Македонија http://www.sinergijaplus.com/ , советувам да ги посетувате семинарите кои се одржуваат во центарот, ќе се запознаете и ќе научите од луѓе кои им е битна и знаат што е финансиска слобода зошто кога луѓето ќе откријат што поседуваат (умот), ќе ја пронајдат силата.Кога луѓето ќе се здружат во нови врски и односи градат суперсила. Кога луѓето заедно ќе бидат продуктивни ,тие ќе ја употребат својата сила за решавање на проблемите и ги реализираат соништа.

Следниот чекор за сите кои сакаат финансиско едуцирање сега,е да резервирате место за бесплатно да го посетите семинарот Како до финансиска слобода? Центар за финансиска писменост - Синергија Плус –Скопје  и пратете меил на sasogorgijevski@yahoo.com 
ќе дознаете три корисни информации:
1.Кој е менталниот склоп на луѓето кои сами се предодредиле за финансиска слобода.
2.Кои се најмодерните финансиски продукти за физички лица во Република Македонија.
3. Дознајте решение кое ќе ви помогне да ги решите следните крупни животни прашања:
Како до сопствен дом?
Како до сопствен бизнис?
Како до сопствена приватна пензија?

Што треба да направам за да бидам губитник?

Добро е да знаете што треба да направите за да бидете губитник , 1) Ако сите се на врвот можете да го направите спротивното и да бидете доле  и 2) Можете да практикувате листа на работи кои те прават губитник.

Го слушав Џим Рон на еден семинар кој вели (цитат) "Ако сакаш да си неуспешен не оди на семинари. Еден ден ми пријде еден дечко и ме праша Џим, може ли да поминам еден ден со тебе а јас со мојот бележник да забележам како си поминувате со семејството.Што правите? Што читате? Што јадете? Со каков тип на луѓе се дружите? Што правите во вашето слободно време? Што ТВ програми гледате, какви весници и радио програми користите и јас му велам  ако сакаш да бидеш неуспешен  тие информации ќе ти бидат корисни ако го правиш обратното а тоа е одлична стратегија."

Еве некои губитнички совети

-Живејте го животот од ден за ден. Не мачете се  со поставување на цели, да правите планови и сл. Кога ќе се  разбудите наутро ќе дознаете што сакате да  направите за тој ден

-Барајте си удобност и комфорт. Растот и напредокот бараат работа, стрес и борба. Заборавете на тоа. Останете во комфорната зона.

-Не веруваjте во ништо.  Полесно е да сте циничен. Ако верувате во нешто тогаш ќе морате да направите нешто и тогаш вие носите одговорност.

-Спијте повеќе, ако станете во раните утрински часови ќе треба да завршите некоја работа.

-Не дозволувајте да се грижите за другите . Семејството, пријателите и односите со другите луѓе  бараат напор, жртва, и треба да работите и слушате за она што не сакате да го правите.

-Ако некој ве покани на семинар не прифаќајте. На семинар одат луѓе кои сакаат да направат повеќе во животот и тоа бара акција и се презема одговорност,подобро е да останете дома и да грицкате пред ТВ

-Не прифаќајте  други мислења. Твојот поглед и твоето мислење треба да бидат заштитени во секој случај.  Докажи дека секогаш си во право.

-Заштитете се себе си од другите . Чувајте го вашето срце, не верувајте во никого. Ако им ја дадете љубовта на некој тие може и да ве повредат. Направете ѕид околу срцето.

-Очекувајте да изгубите се. Ако сте  очекувале да изгубите се потоа не можете да бидете разочарани нели? Не ризикувајте себе си да се ставите  во ситуација на големи очекувања. Тие што очекуваат да победат си создаваат притисок а тоа ве тера да се соочите со самосомневање, гнев и напнатост.

-најдете двајца или тројца губитници и поминете некое време со нив. Дознајте што емисии гледаат на ТВ, какви  радио програми  слушаат. Дознајте каде одат на вечера и што јадат. Со кого го поминуваат времето? За што зборуваат ? Што списанија, книги, блогови и весници читаат? Дознајте што тие мислат за себеси за нашата сегашната економија, за нашата влада и нашата иднина. Прашајте ги како тие ги третираат нивните пријатели. Дознајте што мислат за своите соработници.

Ако  не  практикувате нешто од споменатово и го правите спротивното тогаш вие се плеткате во вашиот живот. Ако го правите спротивното  вие нема да бидете губитник туку победник. Да, победник! А Тоа се оние луѓе кои се малцинсво во нашето општество, а зашто би го правиле спротивното  од овие губитнички совети?

Во еден од нашите форуми сретнав коментари за тоа како се снаоѓаат младите по студирањето во Скопје а се од другите делови од Македонија.Еве некој

"Навистина за да најдеш работа е многу полесно во Скопје, ама па животот не ми се виде полесен. Не можам да се помирам со „ќелиите“ во Капиштец и со тоа дека ми требаат 100000 евра и да се заложам со огромни рати за кредит едно 40 години за да живеам во пристоен стан. Имам многу колеги кои во градовите од каде што доаѓаат имаат „палати“ од неколку ката, а овде живеат во гарсоњери под кирија.
Не можам да се помирам ни со тоа дека кога си одам од работа треба цела фирма да ги поместува колите за да излезам јас, зошто нема доволно место за паркирање. Исто, за да стигнам и да се вратам на работа треба да додадам по еден час и автоматски детето да ми биде 10 часа во градинка, наместо 8."
друга пишува

"не ми беше лесно, тука бев пред се за да учам, а и  со грижа на совест дека мама и тато во услови на стечај и безработица издвоиле пари за да ме студираат,се омажив за скопјанец и тоа беше причината што останав туку."
друга пишува

"значи дека повеќето девојки кои останале и се омажиле тука НАПРАВИЛЕ НЕШТО од себе, успеале да се снајдат во „порите на општеството“ и баш ми е мило за тоа дали е решение"

 Јас сум се запознал со младите  од другите делови од македонија кој се во Скопје тие знаат да се дружат и да си помагаат било да се тоа студенти, работници , професионалци и остануваат тие што сакаат да останат, што се избориле, што сакаат да се борат, и што успеале, зашто  ако било обратно ќе си се врателе назад.
Сите се со различни цели, но сите сакаат убав и достоинсвен живот.Хармонија во животот со многу здравје ,многу љубов и пари ,a за да имате пари потребна е финансиска писменост.
Предизвикот  за убав и достоинствен живот,кога ќе се побара суштината за таа состојба се донесува заклучок дека тоа е слободата

Што е, слобода?
Што е, да  победиш во животот?

Речникот го дефинира зборот слобода како: 1. Не си под контрола или моќта на друг, 2. Не сте оптоварени со обврски, долгови и непријатности, 3. Независност од држава,работодавец, сопруг,дечко, родител, банка.
Со цел да се разбере целосно зборот слобода  треба да се објасни што е "слободен" и "чадор". За да бидете навистина слободни  мора да живеете под чадорот наречен  слобода. А што е чадор? Тоа е закон, или правила. Правила и закони кои владеат во сите области од нашиот живот. Можете ли да замислите возење на автопат  ако не постојат правилата? Истото важи и со секоја област од нашиот живот: физичкиот живот, нашиот духовен живот, нашето ментално здравје, и нашиот финансиски живот. На пример, ако сакаме многу здравје ние треба да живееме во рамките на законите и правила на  здравјето.  Мора да јадете, вежбате, и практикувате здрав начин на живот. Истото се однесува и на вашиот финансиски живот. Ако сакате да бидете финансиски слободни  треба да живеете во рамките на законите и  правила на добри финансиски практики, односно: штедите, трошите мудро, инвестирате итн. Сите луѓе сакаат да бидат слободни, но не сите се подготвени да живеат под чадорот, или законите за да се биде слободен.  Нека мојата дефиниција за  слобода ви биде мотив да си создаде своја дефиниција за   слобода.

Во една кинеска поговорка се вели патот од илјада милји почнува со првиот чекор.Сите кои сте го напуштиле вашиот дом и сте дошле да го живеете "лесниот живот во Скопје" сте го направиле првиот чекор и нема да застенете тука, продолжете го патот и заштитете се со чадорот на финансиска слобода.Читајте книги за лични финансии(ви ја препорачувам книгата "Богат татко сиромав татко од Роберт Киосаки" , googleте на интернет од областа на финансиите,споделете го тоа што ќе го научите со луѓе кои сакаат да научат како да имаат повеќе пари а најмногу ви препорачувам да посетите семинар од областа за лични финансии каде професионалци од областа ќе ви го покажат патот до финансиска слобода и можност да се запознаете и да се дружите со луѓе кои имаат исти цели како твоите и луѓе кој го поминале истиот пат што го одите

Не знам дали ќе се сложите со мене, но живееме во време каде што банките ја имаат една од најважните улоги во животот на луѓето. Како никогаш до сега, тие со своите агресивни маретинг кампањи ве повикуваат да бидете сопственик на материјални нешта и задоволства кои реално не можете да си ги дозволите. Ви дозволуваат две-три плати во минус на тековна и “супер услови“ на кредитната доколку станете нивни клиент и сте корисник на еден од нивните кредитни производи. Толку многу луѓе во Македонија се зависни од банкарскиот кислород(читај кредит) што на улица често ја сретнуваш изјавата “Сите се со кредит, не може да се живее без него“ или “Кога и како ќе купам кола или стан ако не земам кредит.“ Многумина од вас кои го читате текстот во моментов, ќе се најдете во оваа група на задолжени граѓани и ќе ве фати нервоза и ќе си речете “еве уште еден текст во кој што “ќе ни солат памет“. Мојата намера не е воопшто таква, јас ќе се обидам да ви дадам четири едноставни совети кои мене лично ми помогнаа кредитниот менталитет да го сменам со домаќински менталитет и полека но сигурно да излегувам од догловите. Се надевам дека кај дел од вас кои сте во долгови и не сте единствени на оваа планета ќе ве потикнам да превземете акција, а успехот на чистењето на минусите и кредитите ке зависи само од вас и тоа дали се придржувате до планот или не.

Совет број 1.
СООЧИ СЕ СО ТВОЈОТ ДОЛГ

За да почнеш да го решаваш проблемот, прво мора да признаеш дека има проблем. Соочи се со ситуацијата, колку и да е лошо искуството и создава горчина, напиши ги сите долгови за да имаш јасна слика за моменталната ситуација. Кога си го направил тоа веќе е направен првиот чекор, одлуката е донесена. Желбата да бидеш финансиски слободен човек е тука, следат следните чекори.

Совет број 2
ПОЧНИ СО НАЈЛОШИОТ КРЕДИТ

Први на листата ставете ги долговите од кредитните картички. Револвинг кредитните картички се вистински крадци на вашите пари. Исплатете ги прво нив, а потоа затворете ги или исечете ги истите. Почнете да трошете онолку колку што имате, поченете го животот без “пластичните другарчиња“. Потоа следуваат долгорочните кредити, како што се хипотекарните стамбени кредити. Пробајте да ја зголемите ратата ако дозволува договорот, се со цел предвремено да се ослободите од него, затоа што каматно каматниот ефект на долг рок прави да вратите многу повеќе од она што сте позајмиле. Овде випосакувам истрајност и решителност, а чуството кога ги затворате минусите ќе ви биде награда за покажаната дисциплина.

Совет број 3
НАПРАВИ БУЏЕТ

Целта на ова е да имаш контрола на своите приходи, обврски и трошоци. Научи да го следиш паричниот тек на твоите пари. Доколку ти оди тешко овој дел, посети некој семинар за лични финансии, ќе ти помогне да научиш да бидеш сметководител на твоите пари. Потоа ќе знаеш каде можеш да скратиш и да заштедиш од твоите трошоци, а ако тоа не е доволно почни да размислуваш за дополнителен приход.


Совет број 4
ДОПОЛНИТЕЛЕН ПРИХОД

Да претпоставиме дека си вработен и немаш дополнителни 8-10 часа за да работиш уште една работа. Значи треба да се фокусираш на нешто што не одзема многу време, а нема да ти пречи на сегашната работа која ти помага во планот за враќање на кредитите.Постојат многу можности кои обезбедуваат дополнителен приход. Една од тие што многу финансиски успешнии слобдни луѓе ја препорачуваат е мрежниот маркетинг. Во него ќе научиш многу а ќе добиеш можност да изградиш сопствен бизнис и пасивен приход. А тоа значи раздолжување и чекорење кон финансиската слобода, каде што ги нема сметките од банка, а имаш слободно време за себе и најблиските.
Ова се дел од советите што мене ми помогнаа да почнам да се ослободувам од обвските и сигурно да чекорам кон патот на финансиска слобода. Истите можат да ви помогнат и на вас доколку имате желба, истрајност и сте спремни да превземете акција.

ВИ ПОСАКУВАМ СРЕЌА

Правилото 72 е математичка равенка односно ментална кратенка. Оваа ментална кратенка е за да се процени ефектот на било која стапка на раст, за брзи финансиски пресметки. Еве ја формулата:

72 / каматна стапка = Години да се дуплира инвестицијата

Оваа формула е корисна за брза финансиска проценка и за разбирање на духот на каматно каматен ефект. Да земеме неколку примери:
* инвестиција со раст 6% на твоите пари се 72 / 6% или 12 години да се удвои.
* Да ги дуплираш твоите пари за10 години, потребна е каматната стапка и тоа се пресметува 72 / 10год =7,2%.
* Може да пресметаш и ако БДП на Македонија се зголемува на 3% годишно, економијата ќе се зголеми двојно со равенката 72 / 3% или 24 години.
* Ако твојот раст е 2%, тоа ќе се зголеми двојно за 36 години. Ако растот се зголемува на 4%, тоа ќе се дуплира за18 години.
Може да го користиш правило 72 за трошоците како инфлација
* Ако стапката на инфлација е од 2% до 3%, парите ќе ја изгубат својата вредност за половина на 36 или 24 години.
*Кога купуваш автомобил а немаш доволно пари во една од нашите банки ти нудат автомобилски кредит со 12% каматна стапка во денарска вредност до 7години или како поволност да ја подигаш платата од нивната банка каматната стапка за кредитот ќе биде 10,8%, можеш да пресметаш дека на банката ќе и вратиш повеќе од дупло за 7 години , 72 / 10,8 = 6,6год односно ако автомобилот си го купил за 10000евра на кредит, реално за него ќе платиш повеќе од 20000евра
Или ќе креираш план за купување автомобил и инвестираш 5000евра во инвестициски фонд кој прави добивка од 12% до 15% ,ќе ја дуплираш инвестицијата на 10000евра за 6 години односно 4,8години.Може да се каже ќе купиш автомобил што чини 10000евра за дупло помалку пари

Користењето на оваа магична формула е да се дознае колку долго е потребно за пари (или нешто друго), да се зголеми двојно за одредена каматна стапка.


искористете го правило 72 за ваша добивка. Среќна математика
http://www.calculatorpro.com/rule-of-72-calculator/ калкулатор